Shefi i Grupit më të ri Parlamentar, Dardan Sejdiu ka qartësuar se nuk do ta votojnë Marrëveshjen e Demarkacionit, raporton arbresh.info

Ai i ka bërë këto deklarata pas dërgimit të kërkesës për të krijuar një grup parlamentar të përbërë nga 12 deputetë.

“Sot kemi dërguar kërkesë për të krijuar grupin parlamentar të përberë nga 12 vetë. Janë 12 deputet që janë pjesë e grupit të deputetëve të pavarur. Që nga nesër ky grup do të jetë i organizuar nën ombrellën e këtij grupi.”

Dardan Sejdiu e ka bërë të qartë se grupi i deputetëve të pavarur nuk  do ta votojnë demarkacionin.

“Ne kemi kundërshtuar këtë demarkacion qe tri vite. Në shumë pika pajtohemi. Një ndër pikat që ne pajtohemi është edhe demarkacioni. Duhet të kaloj në ndëshkime dhe përgjegjësi ata që e kanë nënshkruar këtë dokument”, ka deklaruar Sejdiu./Arbresh.info/